سن ياديما دوشه‌جكسن

ع ـ آيرملو (وفا)

 

باغچالاردا آچان زامان بنؤوشه لر دسته ـ دسته

دسته ـ دسته قيز گلينلر ييغيشاندا بولاق اوسته

باغلاياندا باغبان قيزي ساچلارينا گوللريني

آخار سويون آيناسيندا داراياندا تئللريني

شئيدا بولبول پامبيق ييغيب يوواسيني توخوياندا

گئجه چيراغ ايشيغيندا بيري نامه اوخوياندا

سن ياديما دوشه جكسن

***

يازدا ياغيشلي گئجه لر

آي بولوتدا دالدالانيب، سورا نازلا چيخان زامان

داغ دؤشونده ايلديريملار شاققيلداييب شاخان زامان

گئجه چاغي پنجره دن بيري يولا باخان زامان

گؤز ياشلاري آخان زامان

سن ياديما دوشه جكسن

***

خاطيره لر كوچه سينده، قارانليقلار قاويشاندا

ايستكلي لر، سئوگيلي لر سالاملاشيب ساويشاندا

اينجيكلي لر، كوسولولر توي بايرامدا باريشاندا

بيري قاپي دالداسيندان بيريسيله دانيشاندا

سن ياديما دوشه جكسن

***

سن قلبيمين سولطاني سان

سن روحومون باغباني سان

سن بَزيرسن روحومداكي باغچالاري

سن دوزورسن اورگيمين ائوينده كي تاخچالاري

سن، اوسان كي من ايسته ييرم

گئجه، گوندوز، سحر، آخشام

يولداشيمدير يادين سنين

نه شيريندير آدين سنين

كؤنلوم سني يادا ساليب سيزلاياجاق خسته ـ خسته

باغچالاردا آچان زامان قيزيل گوللر دسته ـ دسته

 

انجمن ادبي دانش خوي

نيما برگشادي

 

غم غمين داليجا قاطار قاطاردي

اونداكي آناسي اولاد آتاردي

يا آنا كورپه سين پولا ساتاردي

غم دئمه‌ز گليره‌م، زامانسيز گلر

بير داوا آلاغيرخسته اوغلونا

پولسوزلوق يانديريب اوت قويور اونا

قشقيريب اوغلوني باسيرباغرينا

بودرده نه قويسان درمان‌سيزگلر

سسيمده ئورولدورندن بيلميره م

قشقيرديم يوخساكي سودان بيلميره م

بلكه ده يكه‌لديم بيردن بيلميره‌م

»"نيما«يام"، سؤزلريم يالان‌سيزگلر

ياشاماق ايسته سن كيشي دونيادا

دونيانين دردلري آمان‌سيزگلر

مردليگي بوش وئريب آت بيركنارا

دين سيزين اليندن ايمان‌يسيز گلر

مرداولان سانيليرحيوان بورادا

ساتيلير مين‌ليگه وجدان بورادا

اوتارير انساني انسان بورادا

اوتانماز آخورا سامانسيزگلر

 

انجمن ادبي دانش خوي ـ سارا درستي

 

عطرپرهومم را روي نبضم فشار مي دهم

بويش فضاي اتاقم رامي گيرد

خواهرم ازاتاقم بيرون مي رود

موهايم راشانه مي زنم

و با چسب مورو به بالا ماتشان مي‌كنم

آدامس اربيتم را لاي دندان هايم له مي‌كنم

سارفون و ساپرتم را تنم مي‌كنم

ترانه‌ي رپ گذارم

گلدان‌ها مي‌لرزند

و من منتظرمي‌مانم

صداي زنگ مي‌آيد

كفش‌هايم را مي‌پوشم

هيچ كس پشت در نيست

انگار كفش بزرگي به پايم كرده‌ام