چينار آغاجي چينار

يارپاغي دينار دينار

هر كس بي كس اؤلسا

قوُياللار يولدان كينار

 

اوغلان اوغلان اويوندا

قوچ قوزولار قويوندا

قوچ قوزونو قيرئيديم

بو رشيد اوغلان تويوندا

 

آغاج آتديم آلمايا

آلما گؤيده قالمايا

خودام مني قوچ قويدو

قيزلار قيسسير قالمايا

 

بو آلما بيزيم آلما

يوللارا دوزوم آلما

بيلسئيديم يار گله جك

ساخلارديم يوز ئيل آلما

 

قيزيل گول خندان اولدو

آچيلدي دن دن اولدو

من سندن آيريلمازديم

آيريليق سندن اولدو

 

بو يولو يول ائله رم

توفنگيم قوْل ائله رم

سني منه وئرسه لر

ائلچيني بول ائله رم

 

آي گئدر باتان يئره

ملك لر ياتان يئره

عمي قيزي قوُربان اولسون

عمواوغلو ياتان يئره

 

داغلارين قاري منم

گون گؤروب اريمه نم

قاز قبيريم يول اوسته

جاوانام چورو مه نم

 

داغلاردان اوجا گؤينوم

تورپاخلي يولا دوندوم

يوللارا باخا باخا

سارالان گؤله دؤندوم

 

عاشيقي داشدان اؤزوم

سوزولر داشدان اؤزوم

نه آتام وار  نه آنام

يارانديم داشدان اؤزوم

 

داغلار داغلادي مني

گؤره ن آغلادي مني

باشيما بير داش دوشدو

فلك قارغادي مني

 

بولاغ باشيندا دورما

بولاغي بولانديرما

اؤز يارين چيخدي گئددي

گؤزلرين دولانديرما

 

دومانلي داغلار گؤينوم

نيسگيللي باغلار گؤينوم

نه آچيلار نه گولر

هميشه آغلار گؤينوم

 

بو داغلار قورو داغلار

چئشمه‌لي سولو داغلار

بوردا بير غريب اوْلسا

گؤي كيشنه‌ر، بولود آغلار